男子組合ERROR成員郭嘉駿（193）今年1月推出單曲《再次Puppy Love》，更「自肥」課金邀大馬女神林明禎擔任MV女主角；近日推出第3首個人單曲《越州公路193》，講述一個人移民外地，只能靠聽廣東歌去支持自己尋夢的故事，寓意一直支持他的一班老婆（193 fans暱稱），他才能堅持到今天。這首歌的幕後班底強勁，193除了負責填Rap詞外，還找來謝安琪監製、張繼聰作曲、黃偉文填詞，更邀請鄭裕玲（Do姐）為新歌MV客串，Do姐大感滿意：「霞姨有預飯盒畀我，唔錯唔錯！」MV於昨晚在YouTube上架，截至今日中午12時，短短16小時，已錄得超過10萬的點擊率。
同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心
193早前膽粗粗邀請Do姐出席其個人品牌LILABOC的聖誕市集，搞到193非常感動，並說：「好明顯佢好錫我啦！」至於Do姐今次答應客串193的新歌MV，Do姐笑說：「我有理由相信你係暗戀我，我無以為報，你問我可唔可以客串，我怕咗你，我就客串喇！」Do姐更在IG出post留言叫大家要loop多幾次支持，還表示：「33（193）話如果夠1000萬views我就要follow佢，不過我冇應承嘅。」
獲Do姐畀面現身自家品牌市集 193@ERROR：好明顯佢好錫我啦【下一頁】
Do姐透露入行以來，首次為歌曲MV客串，「仲以為有好多對手戲，點知係冇乜，仲諗住測試下你嘅演技！」193問Do姐有否看過他在《季前賽》的演出，笑指自己是ViuTV黎耀祥，Do姐說：「《季前賽》畀咗個咁重嘅角色你，都做得好好 ，但今次我同你嘅合作戲份就少咗啲。」193解釋：「搵到你客串（MV）已經好好，唔夠膽要你咁操勞，同埋我驚多戲份，你會拒絕我，所以我一直氹住Do姐，好快，1、2個鐘就可以，不如下次你做女主角，然後我哋打茄輪...」Do姐沒好氣地說：「所以我話你暗戀我就係咁樣，講親我就係講呢啲。」193笑說：「唔係暗戀，係明戀啦，係咪？做到咁足！」然後擺出心心手勢！
Do姐不收取酬勞，193笑言為她打掃屋企也可以，「最多約埋姜濤一齊嚟，姜濤而家整傷隻腳，我可以幫手推輪椅。」Do姐聞後即笑說：「好喎，無任歡迎，ERROR其他3個可以唔要喇！」
ERROR成員｜郭嘉駿梁業32歲生日各自推solo歌 193「自肥」課金邀林明禎做MV女主角【下一頁】
由於MV入面出現4個地方，包括台灣、加拿大、倫敦及香港，193專誠找專人，為Do姐在MV中的造型，再配以閃亮鑽飾，並出動私人古董車，將它改頭換面變成的士，193說：「一直覺得Do姐嘅氣質好襯倫敦，同埋佢成日喺電台節目講英國皇室啲嘢，所以有Do姐呢個似係英國皇室，但去葬禮嘅造型。」此外，向來愛錫fans的193更找來30名fans參與MV演出，「我唔想搵臨記客串，意境、意義上大於一切，呢30位Fans係最早跟我嘅，所以就叫佢哋嚟幫手，佢哋唔出樣，但大家心領就OK。」簡慕華、楊秀惠在Do姐IG留言，大讚她美艷動人，亦有網民指Do姐的造型很高貴，「多謝Do姐咁錫33，瞓身支持佢呀！Do姐真係好靚呀，永遠的女神！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】